چیلله آخشامی ایدی. قوجا باليق دریانین دیبینده نوه نتیجه لرینی اطرافينا توپلاییب اون لارا ناغیل دانیشیردی:
- بیری وار ایدی. بیری یوخ ایدی. بیر بالاجا قارا بالیق وار ایدی. او آناسی ایله بیرلیکده کیچیک بیر آرخدا پاشاییردی. آرخین سويو دره یه آخيردی. بالاجا قارا باليقلا آناسینین بیر قارا داشین دالیندا, يوسون لارین آراسیندا ائولری وار ایدی، آنا و بالا سحردن آخشاما قدر بیربیری نین دالينا دو شوب اوزور, هردن باشقا باليقلارا قوشولوب سرعتله بالاجا بیر یئرده گزیشیر و گئری قاییدیردیلار. قارا بالیق آناسینین بیرج سی ایدی.

بیر نئچه گون ایدی کی, او, فیکره دالير, از دانی شیردی. كونوا سوز و تنبل-تنبل او طرف بوطرفه گئدیر, گیری قاییدیردی. چوخ واخت آناسین دان خئیلی گئری قالیردی. آناسی اولجه ائله بیلیردی کی س ادجه اولاراق بالاسینین کئفی یوخدورو بو کنفسیزلیک تئزلیکله کئچیب گئده جکدير. لاکين... دئمه, بالاجا باليغين دردی واریمیش ...

بیر گون سحر تئزدن. گونش دوغمامیش. بالاجا باليق آناسینی یوخودان اویادیب:
آناجان. دئدی, سنه بير نئچه کلمه سؤزوم وار
ائه, سن ده واخت تاپدین! دانیشماغی سوترایا ساخلا. یاخشی اولار کی, گزمه یه چیخاق, دئیه آنا بالیق گؤزلرینی اوووشدوردو و اسندی
-يوخ, آناجان, من داها بئله گزمه یی ایستمیرم. گرک بوردان گئدم, دئیه بالاجا باليق اعتراض
ائتدی.